無病

無病

一遍一遍又一遍

對身軀的陌生

明明保養得很好

何處惹來的感歎

一點不疑惑的是指數

醫學解畫比啤酒更可親

又回到家長日的上午

比不安更不安的溫馨

又打個冷震。喂大佬唔係

呀醫生咩係飄零

飄飄零零幾十年

瀟灑唔覺唔覺成了晶體

要一克克放上電子磅

下半身比出世手帶更精準

有一日要羡慕人食白飯

老火湯換作例水

方便送藥
呢度寫一日幾多粒話
湊近看純粹係因為謹慎
所有大學問都變成瑣碎無知
宇宙是一點髮線上的灰塵
掃走了掃走了又重生又重生
真相是尾龍骨裏的木虱

用膏藥貼好夢想留低的洞

壯志與烽煙從未發芽

就掛上黑白大頭相

出出入入

前面有度門

想鬥長命就戒多幾樣

但願有痛無病

後面見


2020四月