2015年10月14日

如何辛苦為詩後, 轉盼前人總不如

今日下午畀左個十五分鐘小休自己,閉關看無聊書,就攞撿返來擺左一兩個月的《黃仲則詩選》黎讀下。隨手翻幾篇,其中有些真係好有後生詩人的病態感覺,有少少似讀返自己以前寫的詩。當然,黃仲則的係好詩,字煉句煉,珠璣處處,在下後生寫果D就絕對係爛野。佢有四首好出名的《都門秋思》,在下讀了都覺得有些寒意,但始終未有《秋興八首》畀人果種深縱苦痛。不過有一首《寫懷》真係唔能夠唔抄一抄,最尾兩句如下:

如何辛苦為詩後
轉盼前人總不如

這種胸懷真係要寫,冇雕冇琢,一樣出境界。數大詩人,以後在下會識得數埋黃仲則。